LEIS cho caochlaideach ’s a tha ar saoghal an-diugh, tha mi iomagaineach mu sgrìobhadh air cuspair sam bith air eagal ’s nach bi e fhathast beantainneach nuair a thèid a chur an clò! Ach, bha naidheachd ann a ghlac m’ aire às na h-eileanan an t-seachdain seo am measg a’ ghòraiche sa chòrr dhen t-saoghal – gun robh iad am beachd cur às do sheirbheis nam bhanaichean leabharlainn anns na h-Eileanan an Iar airson airgead a shàbhaladh. Chuir seo uabhas orm, ’s mi a’ smaoineachadh air mo sheanmhair fhèin a bha a’ fuireach ann an Dùn Bheagain, agus cho math ’s a bha e a’ còrdadh rithe nuair a thigeadh bhan a’ leabharlainn timcheall a’ chòrnair gach trì seachdainean gus am faigheadh i nobhailean air choreigin eile ri leughadh.
Ma tha sibh cho fortanach agus gu bheil sibh a’ fuireach faisg air leabharlann, ’s dòcha nach bi sibh idir eòlach air an t-seirbheis seo. Ann an sgìre an Eilein Sgitheanaich agus Loch Aillse co-dhiù, thèid iad air feadh nam bailtean, bho Ràtagan gu Glas na Cille, shuas Gleann Hìonasdail agus do gach ceàrn dhen sgìre son na seirbheis a thabhainn. ’S e fìor dheagh sheirbheis a th’ innte, agus i fhathast air a deagh chleachdadh le muinntir an àite – a’ toirt iomadach sgrìob thall sa bhos air feadh na sgìre thairis air na bliadhnaichean bhon a thòisich i.
Chuir Comhairle nan Eilean Siar dà bhideo laghach ri chèile aig toiseach na bliadhna an-uiridh mun t-seirbheis acasan, a’ leantainn dràibhear na bhana agus a’ bruidhinn ris an fheadhainn a rinn feum den t-seirbheis air an t-slighe. Dh’inns iad uile gur i seirbheis luachmhor a bha seo dhaibh airson iomadh diofar adhbhar – clann òga agus pàrantan aig an taigh còmhla riutha, daoine a bhiodh ag obair air an cinn fhèin aig an taigh, agus seann daoine aig nach robh coimpiutairean neo teicneòlas sam bith airson leabhraichean fhaotainn. Gabhaidh òrdugh a chur a-staigh airson leabhraichean sam bith nach eil aca sa bhan, agus mar sin, chan eil cus leabhraichean ann nach gabh a lorg dhaibh.
Tha làn fhios againn uile cho feumail ’s a tha leabhraichean do ar cuid foghlaim, ach tha iad cuideachd air leth cudromach mar chur-seachad, gu h-àraid do dhaoine na bu shine nar coimhearsnachdan. Cha robh dòigh aig mo sheanmhair faighinn don leabharlann ann am Port Rìgh mura faigheadh i lioft – tha fios againn uile cho truagh ’s a tha busaichean nan eilean – ach thigeadh bhan a’ leabharlainn chun an dorais agus cha b’ fheudar Granaidh ach ceum neo dhà a ghabhail a-mach às an taigh gus rudeigin a thaghadh a bheireadh toileachas dhi agus a chuireadh seachad na h-ùine dhi. ’S iomadh latha a thuirt i gun do smaoinich i air leabhraichean mar a deagh charaidean.
Ann am bhideothan na Comhairle, bha mòran a’ bruidhinn air taobh sòisealta na bhana agus cho cudromach ’s a bha sin do dhaoine nach biodh a’ faicinn dhaoine ach glè ainneamh mura biodh seirbheisean mar seo aca. ’S e fìor dheagh chothrom a th’ ann do dhaoine a bhith a’ coinneachadh agus a’ cabadaich – bha e riamh a’ còrdadh ri mo sheanmhair a bhith a’ craic ris an fheadhainn a bhiodh ga dràibheadh, agus tha sin a cheart cho cudromach do na seann daoine sna coimhearsnachdan iomallach againn ’s a tha na leabhraichean fhèin – ’s dòcha na bu chudromaiche buileach! Ged a tha chanas sinn gu bheil ar coimhearsnachdan dlùth sna h-eileanan, tha làn fhios againn gum faod an saoghal beag sin a bhith aonranach aig amannan.
Tha na prionnsabalan seo a cheart cho cudromach nuair a tha sinn a’ bruidhinn air seirbheisean eile a leithid bhanaichean-banca, agus ar bancaichean san fharsaingeachd. Chan eil a h-uile duine fhathast comasach air bancadh a dhèanamh air-loidhne, agus chan eil fiù ’s a h-uile seirbheis againn ri làimh air- loidhne fhathast. Gu fortanach, tha iad a-nis an dùil Banca Rìoghail na h-Alba ann am Bàgh a’ Chaisteil a chumail fosgailte a dh’aindeoin planaichean dùnaidh na bu thràithe sa bhliadhna, a’ ciallachadh nach bi a-nise aig muinntir Bharraigh ri siubhal a dh’Uibhist gus cuid de sheirbheisean fhaotainn. Nach math sin?
Tha a’ Chomhairle a-nis air aontachadh na bhanaichean leabharlainn a chumail a’ dol an-dràsta co-dhiù, taing do Shealbh, ach tha an t-àm ann aire a tharraing gu cho deatamach ’s a tha seirbheisean mar seo do na coimhearsnachdan iomallach againn. ’S fhiach na seirbheisean a chumail agus a bhith gam meas prìseil. Nan cuireadh iad às dhaibh, chailleamaid conaltradh agus ceanglaichean sònraichte eadar coimhearsnachdan agus na daoine a tha a’ tàmh annta: coimhearsnachdan a tha air crìonadh mar thà. Tha luach anns na seirbheisean seo do na mìltean a bhios gan cleachdadh agus ann a bhith a’ strì an aghaidh na h-aonranachd ann an saoghal caochlaideach, didsiteach a tha an impis làmh-an-uachdair fhaighinn oirnn an-diugh.
SUMMARY:
We must consider our more rural communities when cutting services such as our mobile libaries – they are vital to our elderly, to those who work from home, to new parents and young children amongst thousands of others.
GLOSSARY:
Bhan a’ Leabharlainn – Mobile Library
Caochlaideach – Unstable/Volatile
Why are you making commenting on The National only available to subscribers?
We know there are thousands of National readers who want to debate, argue and go back and forth in the comments section of our stories. We’ve got the most informed readers in Scotland, asking each other the big questions about the future of our country.
Unfortunately, though, these important debates are being spoiled by a vocal minority of trolls who aren’t really interested in the issues, try to derail the conversations, register under fake names, and post vile abuse.
So that’s why we’ve decided to make the ability to comment only available to our paying subscribers. That way, all the trolls who post abuse on our website will have to pay if they want to join the debate – and risk a permanent ban from the account that they subscribe with.
The conversation will go back to what it should be about – people who care passionately about the issues, but disagree constructively on what we should do about them. Let’s get that debate started!
Callum Baird, Editor of The National
Comments: Our rules
We want our comments to be a lively and valuable part of our community - a place where readers can debate and engage with the most important local issues. The ability to comment on our stories is a privilege, not a right, however, and that privilege may be withdrawn if it is abused or misused.
Please report any comments that break our rules.
Read the rules hereLast Updated:
Report this comment Cancel